Консултативен форум со градоначалниците
![](http://dils.gov.mk/wp-content/uploads/2019/12/DSC_0525-768x512.jpg)
На 13 декември 2019 година во Скопје се одржа Консултативен форум со градоначалниците за оценка на имплементацијата на Законот за локална самоуправа, во организација на Министерството за локална самоуправа и ОБСЕ. Форумот го отворија заменикот министер на Министерството за локална самоуправа, г-дин Дејан Павлески, и Амбасадорот на ОБСЕ, г-дин Клеменс Која. Тие во своите воведни обраќања констатираа дека очекувањата од овој процес се да даде придонес и насоки за обезбедување на услови за одржливи, ефективни и ефикасни општини, исклучиво во служба на граѓаните. Форумот го водеше г-дин Мемет Мемети, Национален експерт за локална самоуправа, а присутните градоначалници зедоа активно учество со своите коментари и забелешки.